General Santos City—gikuha na sa iyang pamilya ang patayng lawas sa lalaking una nang napusilan patay sa sakop sa Police Station 3 human kining misuway ug pangawat sa Rose Pharmacy nga nahimutang sa Purok San Pedro, Barangay Lagao niadtong Pebrero 14, 2018.
Positibong giila sa iyang mga kabanay ang suspek nga si Faisar Pawas Guiamat, alias Jaiden, 24, residenti sa Purok Changco, Barangay Bawing, Gensan.
Subay sa impormasyon nga nakaabot sa Police Station 3, nasuta nga ang suspek kanhi nang napriso tungod sa kasong kalapasan sa R.A 10591 (Illegal Possesion of Fire arms and Ammunition) ug duna usab kini standing warrant of Arrest sa kasong murder.
Facebook Comments
