General Santos City–Giangkon sa suspetsadong si Alias Celso, 55 anyos nga taga Barangay City Heights, Gensan kansa gitudlong suspek sa pagpanglugos sa iyang pag-umangkon nga iya gyud namolestya ang biktima pinaagi sa paghikap sa pribadong aprti sa lawas niini.
Sa pakighinabi sa RMN Gensan news Team sa suspek iyang gihimakak nga iyang nalugusan ang biktima apan iyang giangkon nga iya kining namolestya.
Nasayran nga una nang nadakpan ang suspek sa tropa sa kapulisan didto mismo sa gipuy-an niini pinaagi na usab sa warrant of arrest sa kasong rape nga gisang-at kaniya sa ginikanan sa iyang pag-umangkon.
Dugang pagbutyag sa suspek nga duha niya ka higayon nga gimolestya ang iyang pag-umangkon.Giangkon pa niini nga siya nadala lang sa iyang tawhanong unod.
Dako ang iyang pagmahay apan wala na syay mahimo tungod kay napasakaan naman sya ug kaso ang iyaha nalang karon nga mangayo nalang siya ug pasaylo.
