Suspek sa pagpangransak, napusilan-patay

General Santos City— Patay ang usa ka lalaki human kining maaktuhan nga musulod unta sa usa ka establishemento ala una pasado ang takna sa kaadlawon.

Basi sa insiyal nga imbestigasyon sa kapulisan, adunay nanawag nga usa ka concerned citizen pinaagi ni Pedro Samson Denaga Animas IV, 61 anyos, minyo nga residente sa San Pedro Street, Brgy Lagao ning dakbayan nga sumala pa adunay tawo sa atop nga bahin sa Rose Pharmacy nga posibleng mangransak.

Paspas nga miresponde ang mga personahe sa Police Station 3 pinaagi sa ilahang Patrol team nga gipangunahan ni SPO1 Teofilo Villanueva, Intel Operative nga si SPO1 Richard G. Miana ug duty investigator.


Ilaha matud pang nakit-an ang suspek nga nagbibit ug bolt cutter samtang ginahimo ang illegal nga aktibidad nga sumala pa hinay-hinay nga ginagunting ang atop sa maong estbalishemento rason nga ilaha kining gisinggitan aron maundang dayon sa iyahang ginahimo kung asa nagpa-ilang pulis ang mga mirespondi.

Apan inay nga mutuo, mibunot kini ug armas hinungdan nga kini gipusil sa kapulisan partikular na ni SPO1 Miana, igo sa iyahang ulo ang suspek nga hinungdan sa iyahang kamatayon.

Narekober gikan sa posisyon sa suspek ang usa ka kalibre 45 nga armas, nga adunay mga buhing bala ug usa ka boltcutter.

Sa kasamtangan gipa-ilalom na sa ballistic examination ang armas sa suspek. samtang ang patay’ng lawas niini ang anaa sa Villa Funeral ug ginapaabot nalang ang mga kabanay niini aron sa ilahanan sa suspetsado.

Facebook Comments