P1.2M SHABU FROM GARBAGE COLLECTOR | Gatrabaho sa barangay, 2 ka iban pa dakop sa buy bust

BACOLOD CITY – Kapin sa P1.2 million pesos nga balor sang suspected shabu ang narecover kagapon sa ginpatigayon nga joint operation sang City Drug Enforcement Unit (CDEU) kag Bacolod City Police Office (BCPO) sa Greensville 2 Subdivision, Brgy. Villamonte, ciudad sang Bacolod.

Nangin subject sa amo nga drug operation si Rodel Parcon, 37 anyus, residente sang Purok Dahlia Extension, Brgy. Villamonte, Bacolod City.

Si Parcon ang empleyado sang amo nga barangay kag naga-trabaho bilang isa ka garbage collector suno kay Punong Barangay Friday Solinap sang Barangay Villamonte.


Samtang, lakip sa nagkala-dakpan amo sanday Chito Garrido, 37, residente sang Medalla-Milagrosa St., Greensville 2 Subdivision kag Joseph Tan, 37, sang Greensville 3 Subdivision, Brgy. Villamonte.

Narecover naman sang otoridad ang kapin sa 22 tanan ka sachets sang suspected shabu nga naga-bug-at sang kapin 75 gramos kag may market value nga kapin sa P1.2 million pesos.

Suno kay Parcon nga wala siya sang ideya angot sa shabu bangod ginhapit gid lamang sya sang duha nya ka upod, pakadto sa balay sang himata ni Garrido.

No comment naman ang duha sang tuyo nga kuhaan sang pahayag sang dyHB.

Suno sa hepe sang BCPO – PSr. Supt. Francisco Ebreo, si Parcon ang ginakabig sang kapulisan bilang High Value Target (HVT) sa diin ini naman ang pinakadaku nga drug recovery sini nga tuig – 2018./Albert Giner photo/RMN

Facebook Comments