Malampusong nadakpan sa mga kapulisan ang suspek sa pagpanluba sa duha ka mga indibidwal pasado alas 2:45 kagahapon sa kadlawon didto sa Capitol Grounds, Barangay 6, Malaybalay City, Bukidnon.
Giila ang suspek nga si Junel Boyan Villacera, 20 anyos, ulitaw, ug residente sa Purok-1B, Magsaysay, Malaybalay City.
Sumala sa report, nagpakitabang matud pa ang usa ka biktima nga giilang si Ricky Taghoy Belancueva, 24 anyos, ulitawo, ug residente sa Beshiba, Kitaotao, Bukidnon kinsa nakahiagom og samad-dinunggaban sa likod nga bahin, samtang ang menor de edad nga biktima, nakahiagom og samad-dinunggaban sa tiyan.
Padayon karon nga nagpaalim sa balay-tambalanan ang biktima samtang ginaandam na usab ang kasong Frustrated Murder nga ipasaka batok sa suspek.
Facebook Comments
