Nakapaslak na karon sa bilangguan ang lalaking suspek sa pagpanlugos og menor de edad human nadakpan sa gipahigayong operasyon sa mga kapulisan pasado alas 2:30 sa hapon adtong Sabado didto sa Purok-1, Panadtalan, Maramag, Bukidnon.
Giila ang suspek nga si Melchor Leop, 34 anyos, minyo, laborer, Top 5 Most Wanter Person sa Bukidnon sa kasong Statutory Rape ug Acts of Lasciviousness, ug residente sa naasoy nga lugar.
Gipangunahan sa Maramag Municipal Police Station ang maong operasyon pinasikad sa warrant of arrest sa kasong statutory rape ug act of lasciviousness nga gi-issue ni Eldred D. Cole, Presiding Judge, sa Regional Trial Court, Branch 45, Malaybalay City, Bukidnon pinitsahan Nobyembre 3, 2022 ug adunay girekomendang piyansa alang sa temporaryong kagawasan sa kasong Act of lasciviousness nga P600,000.00.
Gibalhog na sa prisuhan sa Maramag ang suspek alang sa tokmang disposasyon.
Facebook Comments
