Davao City – Duha ka kaso ang atubangon sa suspek nga mitulis sa sales lady ug mikumot kumot sa pribadong parte sa kalawasan sa biktima.
Pasakaan og kasong roberry hold-up ug acts of lasciviousness sa Talomo PNP ang suspek nga si Jhon Carlo Abellana Telleros, 18 anyos nagpuyo sa Pag-asa Barangay Matina Aplaya.
Ang suspek positibong gitudlo sa biktima nga si Vina Necosia, 18 anyos, sales lady sa Gaisano Mall nga maoy mitulis kaniya gamit ang kutsilyo ug misuway sa pagpahimulos sa biktima sa MGR Village Matina Aplaya niadtong Dominggo sa gabie.
Sa maong pagpanulis nakuha ang 300 ka pesos nga salapi sa biktima ug gikumot kumot pa ang iyang pribadong parte sa kalawasan sa suspetsado.
Nadakpan ang suspek sa gihimong follow up operation sa theft and robbery section sa Talomo PNP.
RadyoMaN Erin Lumosbog
