General Santos City—Balhog na karon sa silda sa Police Station 2 ang usa ka Joseph Kawasa, 31 anyos, residenti sa Lanton, Barangay Apopong Gensan kansa suspek sa pagpanunggab sa biktimang si Alfie Camingawan, 29 anyos nga taga Purok 6, Lanton, Apopong Gensan.
Nasayran nga alas 11:45 ang takna sa kabuntagon dihang mitambong matud pa sa usa ka birthday party ang suspek nga si Kawasa partikular sa balay sa igsuon sa biktimang si Camingawan.
Nag inum matud pa ang mga nasampit ug dihang nangahubog didto na nagbingkil ang mga nahisgutan nga misangko gyud sa pagpanunggab.
Hinuon dili grabe ang samad sa biktima apan gipadakop gihapon ang suspek human sa salaod nga iyang nahimo. Sa karon ginahuwat pa sa Police Station 2 ang desisyon sa biktima kung iyang ipadayon ang pagpasang-at ug kaso batok sa suspetsado.
