General Santos City—sikop sa operatiba sa Fatima Police Station ang usa sa mga suspek sa pagdunggab sa magsuon nga taga Barangay Fatima, Gensan.
Suspek giilang si Jonel Depolog, 19, residenti sa Purok 13-B, Barangay Fatima, Gensan. Si Dipolog usa sa mga suspek sa pagpanunggab sa magsuong Jeckel Adolfo ug Roberto Adolfo nga taga Barangay Fatima. Nasayran nga patay si Jeckel atol sa maong insidenti pipila na ka bulan ang nakalabay.
Nasayran nga una nang nakadawat ug impormasyon ang Police Station 7 human nakit-an sa ilang panimalay ang suspek. tungod niini gi-served ang warrant of Arrest batok sa nahisgutan nga miresulta sa pagkasikop niini.
Nasayran nga anaa sa 15 ka mga suspek ang responsabli sa pagpanunggab sa magsuon, unom ang nasikop na samtang siyam pa ang gipangita sa kapulisan.
Sumala ni Police Sr., Inspector Fernando Manuel, Hepe sa Police Station 7 nga padayon pa usab nilang gipangita ang siyam pa ka mga suspek kansa pabiling nagtago-tago sa wala sayring lugar.
