General Santos City—Tudo Depensa karon ang suspetsadong si Sonny Boy Espinosa, legal age, mananagat, Lumad nga taga Kiamba, Sarangani Province ug temporaryong nagpuyo sa barangay Calumpang, Gensan, human niining nadunggaban patay ang biktimang si Aquilino Valdez, 48, nga taga Zamboanga Del Sur.
Nasayran nga una nang nadunggaban sa suspek ang biktima human silang nagtagbo sa inmanan didto sa maong barangay ga miresulta sa pagpanunggab.
Igo ang biktima sa iyang lawas nga hinungdan sa iyang kamatayon. Sumala sa suspek nga igo ra niyang gidepensahan ang iyang kaugalingon gumikan siya man ang giunhan sa suspetsado.
Gikumperma usab sa suspek nga daan na silang may bangi sa biktimang si Valdez.
Nasayran nga una nang gitangtang ang suspek sa bangkang panagatan nga gitrabahuan niini gumikan sa biktima.
Sa karon wala nay mahimo pa ang suspek sanglit atubangon nalang ang kasong ipasang-at kaniya sa kapulisan.
