General Santos City—Gibutyag ni Police Senior Inspector Danilo Abayata Deputy Station Commander sa Glan Police Station nga kanhing peniriso sa Lanton Reformatory Center si Mark Vic Ebona, 30 anyos lumolupyo sa may Purok Bagras ,barangay ilaya nga mao’y gitudlong midunggab patay sa Ginang nga naila sa pangalang Lydia Resuento, 55 anyos ug gika-angol usab sa bana niini nga si Juanito Resuento, 61 anyos, residenti sa nasampit nga lugar.
Kahinumduman nga bandang alas 9:10 sa gabie una nang nahidangat sa panimalay sa magtiayon ang suspetsadong si Mark Ebona, deritso dunggab sa mga biktima nga miresulta sa kamatayon saGinang ug gika-angol sa bana niini.
Dali usab nga misibat pagkahuman sa maong kremin ang suspek.
Sa pagkakaron gihikay na sa kapolisan sa Glan ang kasong murder ug frustrated murder batok ngadto na kang Ebona nga gawasnon pa karong panahuna .( *Ray Flores Sabillo*)
