General Santos City—padayon pang gipangita sa kapulisan ang suspek kansa responsabli sa pagdunggab sa usa ka laborer sa may area sa KPS, Labangal Gensan, niadtong nakalabyng simana.
Nasayran nga nadunggaban sa usa ka alias Toto, lumad nga taga Isulan, Sultan Kudarat ang biktima nailang si Gerald Ambuang, nga taga KPS, Barangay Labangal, Gensan.
Nasayran nga nag inum ang biktima ug ang suspek didto sa maong lugar. Dihang nahubog, naglalis ang mga nahisgutan. miuli ang suspek apan pagbalik niini naa na kini dalang kutsilyo dayon walay sulti-sulting gidunggab ang biktima.
Paspas nga misibat ang suspek samtang ang biktima, gidala gilayon sa ospital human nakaangkon ug samad sa iyang abaga. Sa karon wala pa nasayran kung hain na nag tago-tago ang suspek, samtang gituohang miuli na kini ngadto sa ilang lugar sa Sultan Kudarat.
