Dakpan sa gihimong manhunt operation sa hiniusang puwersa sa City Intelligence Branch ug sa Police Station 3 sa Iligan City Police Office,ang suspetsado sa pagpatay sa kanhi executive assistant ni former Mayor Lawrence Cruz, nga si Noel Magaro alas 3:20 ang takna sa buntag sa Barangay Lanipao, sakop ning dakbayan sa Iligan.
Ang suspetsado nailang si Macacna Layatan Maruhom alyas Abdul Jalil Maruhom, 48 anyos minyo,usa ka security guard ug watcman ug residente sa Barangay Digkilaan ning syudad.
Ang suspek arestado gumikan sa kasong murder pinaagi sa warrant of arrest nga gi issue ni Honorable Ali Ombra Bacaraman, presiding Judge sa Regional Trial Court Branch 4 12th judicial Region Iligan City pinetsahan ug Marso 17, 2017 ug walay girekomendar nga bailbond..
Ang suspek giilang Number 3 Most Wanted person sa City Level.
Temporaryong gi detained karon sa Police Starion 3 ang suspetsado.
Gipatay si Magaro sulod sa iyang pinuy-anan sa Barangay Villaverde niadtong Oktubre 26, 2017.
