General Santos City- Nagpadayon ang gihimong imbistigasyon sa Police Station 2 kalabutan sa pagpatay sa lalaking una nang nakaplagan sa gilid sa kalsada padulong sa Bahay Pag-asa sa Barangay Sinawal, Gensan.
Una nang nakaplagan ang biktima sa mga residenti sa lugar kung asa hangtud sa kasamtangan wala pa mailhan ang nahisgutan.
Nakasul-ob ang nasampit ug maroon nga t-shirt, blue nga maong pants, ug pula nga tsinelas. Gibana-banaang anaa kini sa edad nga 20 hangtod sa 35 anyos, payaton ang panglawas niini.
Nasayran nga dili layo sa lugar nakit-an ang duha ka dagkong bato kansa may lama pa sa likido sa tawo nga gituohang maoy gigamit sa pagpatay sa biktima. Nasayran nga sa inisyal nga paghiling sa mga otoridad sa patayng lawas niini, nakit-an ang dakong samad sa ulo sa nasampit nga gituohang hinungdan sa iyang kamatayon.
