General Santos City— Giangkon ni Romanito Evangelista alyas Lito
Simud-ong nga siya maoy gihimong drayber sa mag-amahang Weweng ug Harley
Borja dihang ilahang gi-kidnap sa negosyanteng si Frank Cruz human nilang
gikawat ang cellphone niini.
Sumala niya nga gikan sa gipuy-an ni Frank sa Brgy. Bula ilaha kining
gidala sa Brgy. Fatima, agi sa may diversion road kung asa duha ka mga
lalaki ang misakay ug ilaha kining gihigtan ang kamot ug ang tiil gamit ang
packaging tape.
Pamahayag niya nga siya misugot sa maong krimen gumikan sa pasalig nga siya
bayaran ug 5milyones ka pesos sulod sa tulo ka adlaw.
Dugang pa ni Evangelista nga iyahang gihangyo si Herley nga dili nalang
patyon ang biktima gumikan naluoy siya sa kahimtang apan gihingusgan matud
pa ni Herley nga patyaon gumikan ilado siya ni Frank.
Sumala niya nga tulo sila ang nagpatay kang Frank pinaagi sa pagtuok aron
nga walay makadungog o maka-matikod sa pagpatay kaniya.
Kalabot niini, gibutyag ni Evangelista nga dugay ng magkaila si Frank ug si
Herley gumikan siya man gikonsiderang bugaw nga tighatud ug menor de edad
sa biktima. Saysay niini nga si Herley maoy nagkuha sa cellphone ug kwarta
sa biktima 18mil. Posible matud pa nga nahagit si herley sa paghimo s
krimen gumikan sa pasalig ang biktima nga aduna kini 50milyones ka pesos.
Motibo matud pa sa pagpatay mao ang posibilidad nga magsumbong sa kapulisan
ang biktima gumikan iyaha mang nailhang ang suspek nga si Herley.
