: Maigo MPS
Wala nay kinabuhi nga napalgan ang suspek sa pagpatay og pagsunog sa 2 anyos nga batang lalaki sa lungsod sa Maigo Lanao del Norte human kini naghikog pasado alas 12:15 sa sayong kadlawon sulod sa CR sa nasangpit nga presohan.
Naila kining si Florencio Curay, 55 anyos.
Matud ni Police Lt. Baltazar Deguilmo OIC chief sa Maigo PNP nga nangihi matud pa ang suspek sa likod nga bahin sa maong bilanggoan apan mao na lang ilang na diskubrehan nga naghikog kini gamit ang sling sa bag nga gihigot sa li-og niini.
Tungod matud pa sa sobrang pagkaguol (depression) human sa maong mangilngig nga panghitabo maong nahuna hunaan sa suspek ang magpakamatay.
Kasamtangang anaa sa Good samaritan funeral homes sa kulambogan Lanao del Norte ang patayng lawas sa suspek.
Sumala sa kapulisan nga walay foul play sa nasangpit nga panghitabo ug gi awhag niini ang tagtungod nga ipa ilalum kini sa autopsy.
