Davao City – Aduna nay person of interest ang Digos City Police Office sa insidenteng pagpusil sa district engineer sa Department of Public Works and Highways (DPWH) sa Lapu-Lapu, Digos City, Davao del Sur kagahapong adlawa, March 2, 2020.
Sa interbyu sa DXDC RMN Davao kang Police Lieutenant Colonel Anthony Tababa, officer-in-charge sa Digos City Police Station, gibutyag niini nga nakig-alayon kanila ang nakakita sa insidente diin naka-produce na usab sila og sketch nga maoy basehan sa pag-ila sa responsable sa krimen.
“Mero na tayong lead sa suspek na nanambang based doon sa testimony ng ating witness na nakakita nung insidente. Bale, may na produce kaming cartographic sketch based doon sa description ng nakakitang witness,” saysay ni Tababa.
Gibutyag ni Tababa nga posibleng personal o kaha work-related ang hinungdan sa pagpamusil nga maoy ilang ginatan-aw karon sa nagapadayong imbestigasyon.
Samtang, gikumpirma sa opisyal nga anaa na sa luwas kun ‘stable’ nga kahimtang si Engr. Nicomedes Parilla human kini nakahi-agom og samad pinusilan diin gilayon kining gi-release sa balay tambalanan.
RadyoMaN Kirby Manzon
