Davao City – Nailhan na sa kapolisan kun si kinsa ang suspek sa pagpusil angol ngadto kang SPO1 Ferdinand Macion nga naka destino sa Talomo Police Station nahitabo sa Seaside, Bago Aplaya ning siyudad.
Sa pagka karon wala sa gibutyag ang tibuok detalye sa suspek ug aron dili maka ipsot sa ginalusad nga manhunt operation sa otoridad.
Matod pa nga adunay naka kita sa mga panghitabo nga nagtudlo ngadto sa suspek.
Nasayran nga ang suspetsado miyembro sa Sagrado gang nga sagad mao kini ang nagapasiugda og mga riot sa maong lugar.
Sa pagka karon padayon pang gina imbestigahan sa kapolisan kun nalambgit ba usab sa robbery and hold up ang suspek ilabi na nga naghupot kini og armas de fuego.
Kahinumduman nga naigo ang tiil ni Macion human kini gipusil sa suspek gumikan gipaundang niini ang operasyon nga Oplan Kapkap-Sita sa maong lugar adlawng Lunes sa gabii.
RadyoMaN Paul Canono
