General Santos City–Tumbok na sa Malapatan PNP ang mga suspek sa pagpamusil sa mag-amahan nga silang si Sarcino Salutan ug Mark Dave Salutan, nga taga Sitio Maluto, Barangay Sapu Masla, Malapatan, Sarangani Province, kansa gipamusil sa wala nganling mga suspek sulod mismo sa ilang panimalay alas 8:15 ang takna niadtong nakalabayng adlaw.
Sumala ni Police Major Jojit Nicolas, Hepe sa Malapatan, PNP anaa sulod sa ilang panimalay ang mag-amahan dihang sila gipamusil sa lima ka mga suspek.
Nakaangkon ug samad sa iyang ulo ang biktimang si Mark Dave samtang nakaangkon usab ug samad sa lawas ang iyang amahan kansa daling gipangdala sa ospital human sa insidenti.
Sa Imbistigasyon, lima ka mga suspek ang mirapido sa panimalay sa duha ka mga biktima, duha niini ang tumbok na nila ug takda nang pasakaan ug kaso.
Nasayran nga personal Grudge ang usa sa mga motibong ginatan-aw sa kapulisan kalabutan sa maong insidenti.
Mahagbong usab sa regular filing ang pagpasang-at ug kaso batok sa mga suspek nga namusil sa mag-amahan. Kasong murder ang ilang ipasang-at tungod dawsa giplanuhan gyud ang pagpamusil sa mga biktima.
Sa karon nagpadayon pa ang gihimong imbistigasyon sa kapulisan aron nga matumbok ang laing tulo pa ka m ga suspek sa maong krimen.
