Sa interbyu sa DXDC RMN Davao kang Police Corporal Jemar Saludo, personahe sa Nabunturan MPS, giila niini ang suspek nga si Jovanie Pederi, taga Camanlangan, New Bataan, Davao de Oro. Samtang, ang biktima mao si Joel Avila, residente sa lugar asa nahitabo ang insidente.
Sa report, miresulta sa mangilngig nga krimen ang insidente diin naputol ang ulo sa biktima sa dihang gitigbas sa suspek.
Dugang niini, dali naglusad og operasyon ang kapulisan aron arestuhon ang suspek apan sa dihang dakpon unta kini, giingong misukol ang suspek sa otoridad rason nga napusilan resulta sa iyang kamatayon.
“Sa imbestigasyon nga nigula, sa initial investigation nila, ‘yung suspect naay sakit sa panghunahuna,” sulti ni Saludo.
Sa pagkakaron, gipahimutang na ang mga patay’ng lawas sa biktima ug suspek sa ilang mga pamilya. Samtang, padayon pang ginaimbestigahan kung unsa ang nahitabo una ang brutal nga krimen nga nahiaguman sa biktima.
RadyoMaN Kirby Manzon
