General Santos City—Patay ang usa ka suspetsado sa paghupot ug armas human giraid ang panimalay niini sa Brgy San Jose, Glan Sarangani Province kagahapon.
Naila ang biktima nga si Dindo Masungay 40 anyos nga residente sa maong barangay.
Sumala ni PCI Niel Wadingan, tigpamaba sa Sarangani Police Provincial Office, alas 2:00 sa kaadlawon kagahapon dihang gironda sa kapulisan ang panimalay ni Masungay pinasikad sa search warrant nga pinirmahan ni Justice on Wheels presiding Judge Oscar Noel Jr.
Dugang gibutyag ni PCI Niel Wadingan nga napatay sa kapulisan ilawom sa Sarangani Provincial Public Safety Company ug Glan PNP human matud pa kining misuway ug sukol.
Sumala niini nga misuway ug labay ug granada ang suspetsadong si Masungay ngadto na sa kapulisan hinungdan nga ila kining gipusil.
Bugtong nakuha sa posisyon sa suspek ang gikaingong granada apan walay laing armas. Naturn-over na usab sa kamot sa mga pamilya ang patayng lawas sa suspetsado.
