General Santos City—sikop sa entrapment operation ang usa ka lalaki human gireklamo sa kanhi niining uyab human matud pa kining nang blackmail ngadto sa maong babaye.
Suspek giilang si Mark Kevin Biala, 25, residenti sa Zone 1, Saway, Labangal Gensan.
Subay sa reklamo sa nagpailang Alias Kim, 20 anyos nga taga Barangay Lagao, ngadto sa National Bureau of Investigation (NBI) una nang nagchat ngadto kaniya ang suspek, hain siya gibaharan nga patyon apil na ang kasamtangan niining uyab kung dili kini makigkita ug makighilawas ngadto kaniya.
Tungod sa tumang kahadlok nga tinud-on sa suspek ang iyang bayad, midangop ngadto sa NBI ang biktima aron isumbong ang kanhing uyab.
Gilayon nga giplano ang entrapment operation batok sa suspek diin gisabot sa biktima nga sila magkita sa usa ka lodging house nga anaa nahimutang sa Barangay Lagao. Pag-abot sa suspek ug nisulod na sa girentahang lawak, didto na kini gisikop sa Awtoridad.
Sa gihimong interview sa RMN News Team kang NBI Special Investigator III Jeffrey Mosqueda, basi sa ilang imbistigasyon, nasuta nga kanhing nag live-in ang duruha sulod sa unom ka bulan. Posibli matud pa nga wala pa makamove-on ang nasangpit nga suspek sa kanhi nilang relasyon.
Kasong kalapasan sa R.A 9262 (Cybercrime Law) ang atubangon sa suspek kansa balhog karon sa silda sa NBI.
