Davao City – Mi-surrender sa kapulisan ang usa sa mga suspek sa sagunson nga pagpanulis sa syudad sa Tagum gahapong adlawa sa Tagum City Police Station, Tagum City Davao del Norte.
Matod kang Police Regional Office-XI (PRO-XI) spokesperson PCI Milgrace Driz, ang suspek naila sa pangalang Peter Carlo C. Riña, 32 anyos ug residente sa Mankilam, Tagum City.
Gawas sa pagtahan sa iyang kaugalingon, iya usab gi-surrender ang usa ka shotgun nga dunay 3pcs. ammo, usa ka unit nga black cash box ug usa ka motorsiklo nga Suzuki Raider diin ginagamit nga getaway vehicle sa mga suspek.
Kasong paglapas sa Anti – fencing law ug illegal possession of firearms ang ipasaka ngadto sa mga suspek.
“We are serious in arresting these criminals, and I ordered my men to continue to hunt them down at any time and any day. We will not stop until we put them behind the bars of justice” segun ni PRO-XI Regional Director PCSUPT Marcelo Morales.
RadyoMaN Abi Bibera
