Davao City – Hulipan na si Police Chief Inspector Ramil Macarampat ang Station Commander sa San Pedro Pnp karong umaabot nga bulan sa Setyembre.
Sa gihimong pakighinabi sa DXDC RMN Davao ngadto kang Macarampat miingon kini nga nahuman na ang iyang termino sulod sa duha ka tuig human nadestino sa San Pedro Police Station niadtong tuig 2016.
Dugang niini, iyang girekomenda si Police Chief Inspector Benkalin Baluan gikan sa Mobile Group ang mupuli sa iyang posisyon.
Gikatakda karon umaabot sa bulan sa September 19 himuon ang formal turn-over ceremony sa maong buhatan apan kun ugaling adunay pag-usab kun si kinsa ang mamahimong hepe mag-agad gihapon kini sa mando sa Davao City Police Office pinaagi ni City Director Police Sr.Supt Alexander Tagum.
Sumala sa incoming hepe sa San Pedro Pnp nga iyang ipadayon ang mga nasugdan na nga mga programa ni Macarampat partikular na sa kampanya batok iligal nga droga ug ang pagsumpo sa gangsterism ngadto sa iyang area of responsibility.
RadyoMaN Don Pulayao
