Davao City – Naila na sa kapulisan ang namatay nga suspek sa nahitabong shooting incident sa Tagum City, Davao del Norte.
Sa official statement sa Police Regional Office (PRO) XI, giila mismo sa amahan niini nga si Eduardo Rebosa, usa ka barangay official, residente sa Sta. Emilia, Laak, Davao de Oro nga iyahang anak ang maong suspek nga si Jhonrey Sabehon Bilinario, 28-anyos.
Subay sa imbestigasyon, gipa-ulanan og bala sa suspek ang duha ka biktima diin patay diha-diha dayon si Simplicio Samar Jr., 44-anyos, retired PNP member, negosyante nga taga sa Purok Dela Cruz, Barangay Mankilam, Tagum City ug angol ang kauban niining si PO3 Eduardo Badilla Bajalia, 53-anyos, PNP member, residente sa Erlenville, Barangay San Miguel, Tagum City.
Sa karon, gipalawman pa sa Tagum City Police ang imbestigasyon aron masuta ang motibo sa maong insidente.
RadyoMaN Kirby Manzon
