Suspek sa underground company webpage nga nadakapan sa Bajada PNP napasakahan na og kaso

Davao City – Napasakahan na og kasong may kalapasan sa Republic Act 10175 kon Cybercrime Prevention Act ang usa ka scammer nga si alyas Ron nga taga Brgy Sto Niño Agdao ning siyudad sa Davao human kini na entrap sa kapulisan sa Bajada Police Station.

Sa interview sa DXDC RMN Davao sa Station Commander sa Bajada PNP nga si PMAJ Antonio Luy, miingon kini nga modus sa suspek mangita og trabahante gamit ang hiring page as physical therapist o taga masahe ug ang mga aplikante gi require nga magpadala og hulagway.

Sa maong mga litrato didto na gina blackmail sa suspek ang iyang mga biktima ug mahimo lang kining gawasnon kun iyang tumanon ang daotan niining plano.

Sa maong panghitabo dali gilayong nagpatabang ang maong babayi ngadto sa kapolisan ug naglusad og entrapment operation ang Bajada PNP hinungdan sa pagkasikop niini.

Nanawagan si Luy sa publiko nga mag maigmat niining mga online job hiring tungod sa ilang datos ubay ubay na gayud ang nabiktima niini ilabi na sa mga kaigsoonan natong anaa sa probinsya.

RadyoMan Paul Canono