Suspek wala pa nailhan sa Marilog shooting incident

19

Davao City – Patay ang usa ka lalaki human gipusil alas 8:00 sa gabii nahitabo didto sa Sitio Lanitum Brgy. Malamba Marilog District siyudad sa Davao.

Basi sa report gikan sa Marilog Pnp ang biktima mao si Nicky Ladiawan, 28 anyos residente sa nasangpit nga lugar.

Sa imbestigasyon sa kapolisan, sumala sa kalive-in sa biktima nga si Leziel Lumbayon nakadungog kini og paka sa buto didto sa basketball court sa nahisgutang lugar ug iya nalang napalgan nga nagbuy-od na ang biktima nga wa nay kinabuhi ug dunay lima ka igo sa nagkadaiyang parte sa lawas.

Gihuglagway ang mga suspek sa kinsa mipusil sa iyang bana nga payat ug nagasuot og sweatshirt.

Human sa insidente yanong nisibat ang mga suspitsado padulong sa Calinan samtang ang amahan sa biktima buot pa nga gukdon ang mga suspek apan mibalik sa agi gumikan kay iyang nakit-an ang mga kaubanan sa suspek didto sa kasagbutan ug hilit nga lugar.

Narekober sa sa crime scene ang tulo ka basiyo sa bala sa gituohan .9 mm caliber pistol samtang ang patayng nga lawas sa biktima gidala na sa Angel Funeral Homes Calinan ning dakbayan.

Mas gipalapdan pa sa kapolisan ang gilusad nga imbestigasyon aron maidentipika ang mga suspetsado ug unsay motibo sa pagpusil sa biktima.

RadyoMaN Don Pulayao

Facebook Comments