Gihingusgan sa Department of Tourism nga suspindido na ang Buhay Carinderya Program sa Tourism Promotions Board (TPB), kini luyo sa mga report nga nagpadayon pa gihapon ang maong programa sa North Luzon Roadshow.
Gibutyag ni Tourism Secretary Bernadette Puyat, walay kamatuoran ang mga mikatag nga report bahin niini gumikan subay sa Memorandum nga gipakanaog niini niadtong May 18, 2018, nakalatid nga suspindido na ang tanang proyekto sa Tourism Promotions Board, apil na dinhi ang Buhay Carinderia program.
Wala usab nagpagawas ug pondo ang DOT sa bisag unsang programa nga iyaha sa TPB.
(Photo From Web)
Facebook Comments
