Davao City – Extended kun gilugwayan sa City Government of Davao ang suspensyon sa pagdili sa face-to-face non-essential events sa tanang barangay, local ug national government office lakip na ang government-owned ug controlled corporation events.
Subay sa Executive Order (EO) No. 42 sa Series of 2021, padayon ang pagdili sa musunod nga mga aktibidad epektibo kagahapong adlawa (Septyembre 1, 2021) hangtud Disyembre 31, 2021 gawas lang kung kini himuon online:
Inauguration, Anniversary, Thanksgiving, Ribbon-cutting, Blessing, Turnover, Groundbreaking activity, Launching program, Salo-salo, Birthday, Press conference, Oath taking program, Photo opportunity, Retirement honors, Welcome honors, Testimonial program, Summer outing, Team building�ug tanang susamang aktibidad.
Apil usab sa suspension ang tanang face-to-face non-emergency essential government activities lakip na ang trainings ug seminars. Hinuon, mamahimong mo-apply for exemption sa City Mayor’s Office ang non-emergency activities, trainings ug seminars apan kinahanglang ilakip sa suwat ang comprehensive plan unsaon pagpahigayon sa non-emergency essential activity nga dili muresulta sa mass gathering.
Sa pikas bahin, padayong gitugot ang tanang disaster and emergency activities lakip na ang pag-distribute og financial, food, ug non-food items. Samtang, ang pag-distribute og food ug non-food items nga dili disaster-related mamahimong ipahigayon house-to-house o pinaagi sa contactless delivery aron malikayan ang risgo sa takod sa Coronavirus Disease 2019 (COVID-19).
RadyoMaN Kirby Manzon
