General Santos City—Gikatakdang pasakaan ug kasong kalapasan sa RA 9165 karong adlawa sa kapulisan ang suspetsadong si Hanessa Ngilay 37, anyos, minyo, nanimuyo sa Prk 15, Lanton Brgy. Apopong kansa nasikop sa buy bust operation sa kapulisan niadtong adlaw nga Sabado, pasado alas 3:00 sa hapon sa nasampit nga lugar.
Kahibaloan nga una nang nasikop ang suspek sa hiniusang pwersa sa Station Drug Enforcement Team kon SDET sa Police Station 2 uban ang PDEA-12 atol sa gipahigayon nga buy bust operation sa lugar.
Malamposong nasikop ang nasampit human nga nakuhaan sa posisyon niini ug upat ka sachet sa gikatahapang shabu samtang malamposon man usab nga nakasibat ang kauban niining si Judy Dula human nga nakamatikod sa presensya sa operative team.
