General Santos City–Gihingusgan ni Jomar Maan, 23 anyos, lumad nga taga Maasim ug nagpuyo na karon sa Upper London, barangay Bawing, kansa gialigarang miyembro sa Ansar Al Khilafa Philippines kon AKP ug una nang nasikop sa gihimong ronda sa Joint Task Force Gensan, CIB ug Gensan City Police Office nga siya dili miyambro sa AKP.
Apan giangkon niini nga personal niyang kaila si Kumander Tokboy Maguid gumikan kaniadto dihang siya bata pa gihold-siya sa kampo sa maong local terrorist group nga nahimutang sa lungsod sa Maasim.
Giangkon usab sa nasampit nga dugay dugay usab siya sa maong grupo human wala gitugutan ni Tokboy nga makauli sa ilang balay, apan gipaklaro niini nga dihang siya nakahawa sa kampo wala na siya nasayod unsay nahitabo sa maong grupo.
Gihimakak usab sa suspek nga iyaha ang cal. 38 nga pistol u gang mga components sa IED nga una nang nakaplagan sa iyang balay sa Upper London, Barangay Bawing.
Apan iyang giangkon nga iyaha ang flag sa ISIS nga nakaplagan sa iyang balay.
Apan iyang giklaro nga igo ra niya kining gitanggal kaniadto sa kampo sa AKP ug gidala sa ilang balay sa upper London.
