General Santos City–Commitment order nalang gipaabot aron nga mabalhin na ngadto sa Saranagni Police Office ang usa ka Welmer Garcia, 31, residenti sa Lower Spring, Barangay Taluya, Glan, Sarangani Province kansa nag atubang ug kasong child abuse ug act of lasciviousness.
Nasikop ang nasangpit pinasikad sa warrant of arrest sa duha ka mga kasong iyang giatubang nga may girekomendang pyansa nga P80,000.00 ug P180,000.00
Sumala ni Police Senior Inspector Danilo Abayata, Acting Chief of Police sa Glan PNP nga wala na makapalag ang suspek dihang siya giposasan sa kapulisan sa may sentrong bahin sa Glan dihang nakit-an ang iyang presensya.
Dugang pagbutyag ni PSI Abayata nga basi sa iyang pag imbistigar sa suspek, dugay na matud pa ang kasong gipasang-at batok sa suspek.
Kampante matud pa ang nahisgutan nga maglaroy-laroy sa sentrong bahin sa lungsod sa pagtuong dili dakpon sa mga pulis.
Apan tungod adunay nakahatag ug impormasyon sa kapulisan nga nahidangat sa barangay Poblacion ang nahisgutan, didto na kini gidakop.
