General Santos City–pormal nang napasakaan ug kasong pagsupak sa RA 9165, sec 5 kon pag pamaligya ug iligal nga droga ang usa ka Sergio Millares, Alyas Kano, 30 anyus ug nanimuyo sa Polomolok South Cotabato human nga masikop kini sa mga personahe sa Police Station 3 sa ilahang gipahigayon nga buybust operation niadtong milabay nga adlaw.
Sumala pa ni Police Lieutenant Felix Minion III ang Deputy Chief Of Police sa Police Station 3 nga ang nasangpit nga suspect ang wala na lakip sa ilahang watchlist nga naglambigit sa pag pamaligya ug iligal nga droga apan nakadawat matud pa sila ug impormasyon nga ang nasangpit nga suspect ang namaligya ug iligal nga droga sa ilahang area hinungdan nga gilayon nila kining gi pahigayunan ug operasyon.
Kung kahinumduman nga napalitan ug usa ka sachet sa gikatahapang shabu ang suspect ingon man nakuha sa iyahang posisyon ang P500.00 nga marked money.
Gikabutyag man usab ni Police Lieutenant Minion nga ang nasangpit nga suspect ang ginagmay lang kung mamaligya ug by order lang matud pa ang ginadala niini nga hinungdan nga dili usab daghan ang ilahang na recover sa suspect.
Dugang pa niini nga idlas matud pa ang suspect sa iyahang mga transaksyon hinungdan nga wala gilayon nakapalit ang pusher buyer kung asa nag pa balihn balhin pa ug lugar ang suspect ayha kini mihatag sa asset sa mga pulis.
Una na matud pang gipahigayon ang transaksyon sa area sa Barangay Lagao apan mibalhin kini sa Polomolok ug didto na nasikop ang suspect.(Dave Silagan)
