General Santos City–Dugay nang target sa kapulisan ang suspetsadong Si Raymund Alisin, legal age, nga residenti sa Zone 6, Saway, Labangal, Gensan kansa una nang napusilan sa pulis human nisuway ug sukol atol sa gihimong buybust operation niadtong nakalabayng adlaw.
Sumala ni Police Chief Inspector Patrich Elma, hepe sa CPDEU nga migula ang pangalan ni Alisin sa mga lambigit sa iligal nga droga sa Barangay Labangal ug uban pang barangay sa syudad.
Samtang gikumperma usab kini sa mga dinakpan sa Police Station 2 nga lambigit sa droga kung asa ilang supplier matud pa ug shabu si Alisin. kahinumduman nga patay sa buybust operation si alisin human iyang gipabuthan ug armas ang mga nag operate nga miyembro sa kapulisan.
Samtang hustisya usab ang singgit sa mga kabanay ni Alisin human napusilan patay sa kapulisan.
Sumala sa pag-umangkon sa suspek nga wala nisukol ang iyang uyuan ngadto sa mga pulis inay nakaposas na kini dihang kini gipusil.
Gipaklaro usab sa nasangpit nga walay pusil ang iyang uyuan sukwahi sa pahayag sa PNP nga aduna kini gihuptang kalibre 38 nga pistola sulod sa panimalay niini.
