General Santos City–Kampante si Koronadal City Mayor Peter Miguel sa seguridad nga gipatuman karon sa Rehiyon 12 hilabi na sa Koronadal.
Sumala sa Mayor nga pinaagi sa gipahugtang siguridad sa kapulisan ug sa militar sa nagkandaiyang lugar sa Rehiyon 12 dili na basta bastang makasulod ang mga teroristang grupo.
Dugang pa sa mayor nga dili lang sa rehiyon ang nagpahugot sa seguridad kon dili apil na sa uban pang lugar sa Mindanao kansa nakatabang sa pagpabiling malinawon sa mga lugar sa Mindanao.
Nanawagan usab si Mayor Peter Miguel ngadto sa mga tawong nagahimo sa pagpanabotahe sa pipila ka lugar sa rehiyon nga undangan na kini.
Sumala pa nga dapat manginabuhi nalang ug tarong ug dili maghimo ug unsa mang lakang batok sa ilang isig kaingon.
Dugang pagbutyag sa mayor nga dili ikalilong nga sagad sa mga nabiktima sa mga pagpabomba kadtong mga enosenteng sibilyan.
