General Santos City–Gikatakdang pasakaan ug kasong pagsupak sa RA10591 kon illegal possession of firearms karong adlawa sa kapulisan ang suspetsadong si Roy Doria Pepito hamtong ang pangidaron, fishport labor nga nanimuyo sa blk.9 Diamond Valley, Brgy.Tambler ning syudad kansa nasikop sa operasyon sa otoridad.
Kahibaluan nga alas 9:30 ang takna sa gabie gipahigayon ang operasyon sa mga personahe sa Tambler Police Station sa naasoyng lugar pinaagi sa pagsilbi sa search warrant no.19-78 ngadto na sa suspek sa kalapasan sa RA 10591 nga giisyu ni Hon. Judge Panambulan Mimbisa sa RTC Branch 37 Gensan nga penitsahan pa niadtong Abril 25,2019
Malampusong nasikop ang nasampit human usab nga wala kini mipalag sa operative team human gibasahan sa unod sa maong warrant
Nakuha sa posisyon sa suspek ang usa ka Homemade 12 Gauge Shotgun nga walay serial no. ingon man upat ka mga buhing bala.
Sa kasamtangan pabiling balhog sa selda sa Police Station 5 ang suspetsado.
