Davao City – Nagpasalig ang tag-iya sa Innova SUV nga muabaga sa tanan galastuhon hangtod sa pagpalubong sa duha ka pamilya sa pamilyang Lerios ug pamilyang Mallazarte.
Kahinumdoman nahitabo ang road crash didto sa Brgy. Binugao Toril nga gikaangol sa kapin 20 ka mga pasahero ug nabawian sa kinabuhi mao si Edverlyn Lerios ang driver sa single motorcycle niadtong milabayng gabii sa SPMC samtang nakabsan usab sa kinabuhi kagahapon adlawa pasado alas 10:00 sa buntag ang angkas niini nga si Fe Malazarte.
Sa gihimong interview sa team sa DXDC RMN Davao ngadto kang Alma Jecale, ang kabanay sa biktima miingon kini nga matag pamilya makadawat og P150,000.00.
Matud ni Jecale nga hingpit na gidawat sa duha ka pamilya ang nahitabo sa ilang membro sa pamilya.
Sa pagkakaron gihaya na ang patay didto sa Brgy. Binugao Toril ning dakbayan ug wala pay petsa o adlaw sa pagpalubong.
RadyoMan Don Pulayao
