Narecover sa nagpatrolya nga tropa sa 23rd IB Phil. Army ang gitoohang gamit sa rebelding New Peoples’ Army (NPA) didto sa brgy. Bit-os ning syudad sa Butuan. Gilangkuban kini sa Improvised Explosive Devised (IED), usa ka M14 armalite riffle, 2000 rounds sa live ammuniations ug M203 riffle.
Nagpatrolya ang tropa sa 23rd IB Phil. Army sa maong lugar tungod sa nadawat nga impormasyon kabahin sa presensya sa mga NPA ug human usab gisunog sa rebelding grupo ang duha ka Barge sa Agusa river didto sa brgy. Lingayao, Las Nieves, Agusan del Norte.
Subay niini, gikustodiya sa Police Station 1 ang duha ka mga suspek kinsa gidudahan nga adunay kalambigitan sa nakompiska nga mga IED ug armas, nga giilang sila si Reneboy Espinosa Luneta, 29 anyos, ulitawo ug si Nonilio Alima Dikitos, 41 anyos, ulitawo kinsa parehung residenti sa P14, sitio Kauswagan, brgy. Bit-os ning syudad sa Butuan.
Gawas niana, una nang nadiskobrehan ang gisabwag nga mga suyak diha sa national highway padulong sa brgy. Tungao diin gidudahan sa nga mga NPA ang nagbutang niini aron hiyusan ang ligid sa Militar ug PNP nga morespondi sa gisunog nga duha ka barge sa Agusan river.
Sent from my Samsung Galaxy smartphone.
