General Santos City—Gikatakdang kasuhan sa kapulisan nga sakop sa polomolok police station ang mga suspetsadong responsabli sa pagpamusil ngadto sa mga tawong gi-hire sa land owner sa may Purok 2, Glamang Polomolok nga gikamatay sa 1 ka biktima ug pagkaangol sa pito pa ka mga tawo pila ka simana na ang nakalabay.
Sumala ni Police Sr. Inspector Hernan Gabat, Deputy Chief Of Police sa Polomolok PNP nga sa kasamtangan ila nang ginaandam ang kaso batok sa mga suspetsado.
Kung kahinumduman nga ipakoral unta sa pamilyang Chua ang maong luna apan gipanggukod sa mga eskwater ang iyang mga gihire nga tawo ug gipamusil.
Dugang pagbutyag ni Police Senior Inspector Hernan Gabat nga sa kasamtangan tulo palang ka suspek ang ilang nailhan apan nagdumili pa sila sa pagbutyag kung si kinsa ang mga nahisgutan.
Sa kasamtangan padayon pang gina-awhag sa PNP ang mga testigo nga maghatag ug affidavit aron nga hingpit nang mapasakaan ug kaso ang mga suspek. Nasayran nga kasong frustrated homicide, homicide ug physical injury ang ginaandam karon sa kapulisan nga kaso batok sa mga suspek.
