General Santos City—Epektibo karong Mayo 11, 2018 madungagan na usab ang sweldo sa mga empleyado sa pribadong sector sa Rehiyon-12 kini subay na usab sa giaprobahang wage order sa Regional Tripartite Wage and Productivity Board (RTWPB) sa Rehiyon 12.
Sumala ni Department of Labor And Employment (DOLE)-12 Regional Director Sisinio Cano nga gikan sa P295.00 nga minimum wage sa mga empleyado sa pribadong sector mamahimo na kining P311.00 human nga dungagan ug P16.00 ang inadlaw nga suhulan alang sa non Agricultural Sector.
Samtang mamahimo na usab nga P290.00 ang sweldo sa mga anaa sa Agricultural sector.
Sa pikas bahin gikatakda usab nga maregular ang mukabat sa 25,000 ka mga empleyado sa pribadong sector sa Rehiyon-12 human nga gipermahan na ni pangulong Rodrigo Duterte ang Executive Order nga nagpaundang sa kontraktwalisasyon.
Sumala sa DOLE nga ang maong ihap sa mga empleyado gikan sa 30 ka mga dagkong kumpanya sa rehiyon. Sa kasamtangan aduna nay mukabat sa 1,000 ka mga mamumuo gikan sa rehiyon 12 ang naregular human nagbuluntaryo ang pipila ka kumpanya nga irregular ang ilang mga empleyado.
(Photo From Web)
