Davao City- Gitino karon sa Social Weather Stations (SWS) nga wala gituyo nga ang ilang latest opinion poll survey sa ratings sa pamuno-nasud nadungan sa nahitabo nga ‘National Day of Protest’ ug sunod-sunod nga kamatay sa pipila ka mga batan-on diha sa government war on drugs.
Gitataw ni Dr. Mahar Mangahas, kinsa nangulo sa Social Weather Stations (SWS) nga regular ang ilang mga surveys matag quarter diin gitagan-an gayud kini ug igong panahon sa pagpreparar ingon man ang aktwal nga paghikyad sa mga questionnaires ug ang pagkalap sa mga opinyon sa mga respondiyentes.
Una niini, gi-anunsyo sa SWS nga si Pres. Rodrigo Duterte nakadawat sa pagkanaug sa net satisfaction ug trust ratings sa katawhan alang sa ikatulong quarter ning tuiga.
Nakibhangan usab ug 15 points ang trust ratings sa pamuno-nasud sa +60 gikan sa +75 nga ‘excellent’ kaniadto.
Una niini, gihulagway sa taga-oposisyon sama ni Sen. Sonny Trillanes nga timailhan kini nga hinayhinay nang nakita sa nasud ang kalamdagan sa unahan.
Si Sen. Chiz Escudero sa pikas bahin nagtoo nga ang latest survey angay lantawon nga ‘wakeup call’ aron buhaton ang angay rebisahon or usbon sa mga palisiya sa kagamhanan.
Agig assessment sa latest survey results, gisugilon ni majority senator Sherwin Gatchalian nga angay lantawon ang matag survey result nga kapanaminan sa kun unsa ba ang impresyon sa tawo sa usaka topiko sa usaka partikular nga panahon.
Uban pang mga analysts nagpahinumdom nga ang survey matawag nga ‘snapshot at a particular moment’ ug oportunidad haron makakat-on ug leksyon ingon man masayran ang dugang gimbut-an sa mga yanong lungsuranon.
Una niini, gihulagway sa taga-oposisyon sama ni Sen. Sonny Trillanes nga timailhan kini nga hinayhinay nang nakita sa nasud ang kalamdagan sa unahan.
Si Sen. Chiz Escudero sa pikas bahin nagtoo nga ang latest survey angay lantawon nga ‘wakeup call’ aron buhaton ang angay rebisahon or usbon sa mga palisiya sa kagamhanan.
RadyoMan June Duterte
