Davao City- Hitsas na ang City Transport and Traffic Management Office sa pagpatuman sa Anti-Jaywalking Ordinance dinhi sa syudad.
Sunod semana adlawng Lunes manakop na ang mga enforcers sa mga jaywalkers kun kadtong dili musubay sa mga nagkadaiyang pedestrian lane areas.
Sumala ni CTTMO Chief Dionisio Abude miadtong bulan sa Agosto gipailawom sa seminar ang tanang mga traffic enforcers aron maseguro ang sakto nga pagpatuman sa lokal nga ordinansa kalabot sa jaywalking.
Tumong niining gipakusgang implementasyon batok jaywalking nga makunhuran ang aksidente sa kadalanan ug aron nga madecongest ang nagkagrabeng traffic sa Davao City.
Gitumong usab sa kampanya ang pagpahamtang sa mga silot kun penalties sa mga violators diin adunay multa nga 100 pesos para sa pedestrian samtang 200 pesos sa driver nga bayran didto sa City Treasurer’s Office ug upat ka oras nga community service sa lugar nga itakda sa CTTMO.
Kasamang Aimee Guinita
