Naglab-ot sa 46°C ang pinakamataas nga heat index sa syudad sang Iloilo nga na-record kahapon, Mayo 1.
Suno kay Mr. *Darwin Papa* sang City Disaster Risk Reduction Management Office (*CDRRMO*) , ini ang pinakamataas nga heat index nga ila na-record sa syudad sugod sang gin-install ang monitoring equipment sang 2010.
Bangud sini, nagapanugyan ang CDRRMO sa publiko nga likawan nga magpati-al sa init agud malikawan ang heat stroke kag iban pa nga masakit nga mahimo makuha sa tuman ka init nga panahon.
Dugang pa ni Papa nga dapat mag-inom sang madamo nga tubig agud magpabilin nga hydrated subong nga tig-ilinit.
Facebook Comments
