Nagapanguna sa gihapon sa may mataas nga kaso sang balatian nga dengue dire sa probinsya ang syudad sang Koronadal nga may 257, ginasundan sang Tupi-154, Polomolok – 136, Banga -127, Surallah – 120, Tantangan – 117, T`boli -92, Tampakan – 64, Norala – 44, Lake Sebu – 42 kag Sto. Niño – 35 base sa datos sang Provincial Epidemiology Surveillance Unit halin sang Enero 1 tubtob Marso 30 subong nga tuig.
Samtang yara naman sa 38 ka mga barangay dire sa probinsya ang may clustering sang kaso sang nasambit nga balatian.
Sa banwa sang Banga ang mga clustered barangay amo ang San Vicente, Liwanay, Lamba, Lam-apos kag Rizal Poblacion , sa Koronadal City*, *Brgy. Morales, Zone II, San Jose, Zulueta, GPS, Saravia, Zone IV, San Isidro, Concepcion, Sta. Cruz, Sto. Niño & Zone I, Norala , Brgy. Poblacion, Polomolok Brgy. Poblacion, Sto. Niño Brgy. Poblacion, Surallah , Brgy. Centrala, Colongulo, kag Libertad, Tampakan Brgy. Liberty, Lampitak kag Lambayong), Tantangan Brgy. Libas, Dumadalig, San Felipe kag Poblacion), T’boli Brgy. Poblacion, New Dumangas kag Laconon), Tupi Brgy. Poblacion, Crossing Rubber, Miasong, Polonuling kag Acmonan.
Ginpasalig naman ni Atty. Michelle Ann Viejo, OIC Provincial Director sang Department of Interior and Local Government ukon DILG South Cotabato nga magabulig sila sa full implementation sang Aksyon Barangay Kontra Dengue paagi sa pagpahulag man sa mga barangay opisyal.
