Syudad sang Iloilo makaangkon sang libre nga wifi gikan sa 2 ka telecommunication companies

372

SYUDAD sang Iloilo – Maumpisahan na ang proseso sang paghatag sang libre nga wifi sa mga public places sa syudad kag sa Iloilo city hall.

Kasunod ini sang paghatag sang city council sang otoridad kay mayor Jerry Treñas nga magpirma sang memorandum of agreement sa smart communications kag globe telecom.


Ang MOA nagatalana sang city hall, public plazas, esplanade kag diversion road bilang mga lugar nga may libre nga wifi.

Suno kay Treñas ang partnership sa duha ka kumpaniya magabulig sa syudad sa handum nga mangin smart city ang Iloilo.

Paagi sa libre nga wifi mahatagan sang access ang mga may transaction sang mga serbisyo sang city hall kag mangin mahapos man ang pagserbe sa ila.

May digital directory ang city hall nga nahamtang sa ground floor kun sa diin mahimo makaaccess ang publiko agud mahibaluan ang ginahamtangan sang mga opisina sang tagsa ka departamento kag opisina kag may instructions man kun paano magtransact sang nagkalainlain nga serbisyo sa syudad.//via Joel Franco reports

Facebook Comments

From Advertisers