Koronadal City–Padayon nga gi-awhag ni South Cotabato Provincial Health Officer Dr. Rogelio Aturdido ang mga residente sa probinsya nga mag sul-ob ug facemask ug sundon ang uban pa nga mga health protocols, human nga taas gihapon ang kaso sa covid 19 nga nagagikan sa sulod sa panimalay ug sa mga workplaces.
Base sa ilang datus, gibutyag ni Dr. Aturdido nga anaa sa 253 ang kaso sa COVID-19 nga gikan sa workplaces ug 211 sa panimalay. Matud pa sa opisyal dako ang nahimong epekto sa mga health workers sa pagtaas na usab sa kaso sa maong balatian.
Dugang Apila ni Dr. Aturdido sa katawhan nga dili na huwaton pa nga adunay mataptan nga miyembro sa ilang pamilya ug ipailawom na usab sa lockdown ang probinsya. Hangyo niini nga mamahimong responsabli aron nga dili na mosaka ug sakto ang magpositibo sa Covid sa ilang probinsya. Ang simple matud pa nga pagsunod sa standard health protocol dako nang tabang aron nga makontrola ang pagsaka sa nataptan sa virus.
