Davao City – Gibutyag karon ni Councilor Louie John J. Bonguyan, Committee on Energy and Water, ug Committee on Housing, Rural and Urban Development, nga dako ang posibilidad nga motaas ang singil sa kuryente, subay sa pagbutyag niini gahapong adlawa, Marso 10, 2026.
Matod sa konsehal, subay sa iyang pagkig-dayalogo sa Davao Light and Power Company (DLPC) kaniadtong Marso 9, 2026, dili pa masinati sa mga Dabawenyo ang taas nga singil sa kuryente karong bulana (Marso), apan sa umaabot nga mga bulan sa Abril, Mayo, ug Hunyo, masinati na ang pagsaka sa electricity rate ngadto sa 16%.
Rason niini ang pagdungan-dungan og taas sa presyo sa dolyar, lisod ang pagdala sa mga supply, ingon man sa mga nag-unang palitonon.
Panawagan sa konsehal sa katawhan nga mangandam sa maong krisis ug iplastar ang angay nga mga plano alang sa pag-atubang sa maong kalisod.
RadyoMaN Gretchel Egut
Facebook Comments
