CAUAYAN CITY – INANUNSYO NG REGIONAL TRIPARTITE WAGES AND PRODUCTIVITY BOARD (RTWPB) REGION 2 ANG PAGSASAGAWA NG PAMPUBLIKONG KONSULTASYON SA IBA’T-IBANG BAHAGI NG CAGAYAN VALLEY UPANG PAG-ARALAN ANG UMIIRAL NA MINIMUM WAGE RATES SA REHIYON.
AYON KAY DOLE REGIONAL DIRECTOR AT RTWPB CHAIRPERSON JESUS ELPIDIO B. ATAL JR., MAHALAGANG MARINIG ANG SALOOBIN NG MGA MANGGAGAWA, NEGOSYANTE, AT IBA PANG SEKTOR BAGO MAGTAKDA NG BAGONG WAGE ORDER.
SA PRESS CONFERENCE NOONG JULY 7, BINIGYANG-DIIN NI DIRECTOR ATAL JR. ANG DIREKTIBA NI PANGULONG FERDINAND R. MARCOS JR. NA MULING SURIIN ANG ANTAS NG SAHOD SA BAWAT REHIYON UPANG MATIYAK NA ITO AY MAKATARUNGAN AT TUMUTUGON SA KASALUKUYANG KALAGAYANG PANG-EKONOMIYA.
SA KASALUKUYAN, NASA ₱480 ANG ARAWANG MINIMUM NA SAHOD PARA SA MGA NON-AGRICULTURE WORKERS SA REHIYON 2, HABANG ₱460 NAMAN PARA SA MGA NASA SEKTOR NG AGRIKULTURA, AT ANG MGA KASAMBAHAY AY TUMATANGGAP NG ₱6,000 BUWANANG SAHOD.
GAGANAPIN ANG MGA KONSULTASYON SA JULY 23 SA BATANES AT CAGAYAN, JULY 24 SA ILAGAN CITY, AUGUST 6 SA BAYOMBONG, NUEVA VIZCAYA, AT AUGUST 7 SA SANTIAGO CITY.
BUKOD DITO, NAGSAGAWA RIN ANG BOARD NG WAGE SURVEY KATUWANG ANG MGA PESO UPANG MAKAKALAP NG DATOS TUNGKOL SA KAKAYAHAN NG MGA EMPLOYER AT KUNG SAPAT PA ANG KASALUKUYANG SAHOD.
BATAY SA RESULTA NG KONSULTASYON AT SURVEY, POSIBLENG MAGSAGAWA NG PUBLIC HEARING BAGO MAGLABAS NG BAGONG WAGE ORDER.
