General Santos City–Gikabutyag ni Gensan City Councilor Atty. Edmar Yumang ang chairman sa komitiba sa Peace And Order sa konseho nga aduna nay gigahin nga pundo ang lokal nga panggamhanan sa syudad alang ngadto sa mga NPA nga buot mo-surrender sa syudad sa Gensan.
Sumala pa niini nga bisan walay mga aktibong myembro sa NPA sa Gensan apan aduna man usab silay mga nabilin nga mga pamilya nga nanimuyo sa syudad nga posibleng maka-avail sa ilahang ihatag ugaling makumbinse nila ang ilahang mga minahal sa kinabuhi nga anaa sa kabukiran nga musurrender.
Dugang pa ni Kagawad Yumang nga sa na-aprobahan nga budget sa syudad alang sa tuig 2020 na lakip ang mga tabang sa NPA nga motahan sa ilang kaugalingon sa gobyerno bitbit ang ilang armas.
Makabinipisyo usab niini ang miyembro sa ilahang pamilya sama sa scholarship, livelihood ug uban pa.
Ang kinahanglan lang buhaton sa mga miyembro sa NPA nga dinhi sila sa Gensan motahan sa ilang kaugalingon.(Dave Silagan)
