Gina-andam na karon sa Provincial Government sa Davao Del Sur ang ilahang mahatag nga tabang sa mga pamilya nga apektado sa makusog nga pag tay-og sa Padada Davao Del Sur ug sa Matanao-Davao Del Sur.
Sumala pa ni Board Member Carmelo Delos Sientos nga gitahasan kini ni Governor Dodo Cagas nga sutaon kung unsa ka lapad ug unsa kadaghan ang na-apektohan sa maong pag tay-og sa tibuok probinsya.
Dugang pa niini nga ilaha gilayon kining pagahisgutan sa ilahang umaabot nga session sa Sanguniang Panglalawigan sa Davao Del Sur, gibutyag man usab niini nga una na silang nakadeklara ug state of calamity sa tibuok Davao Del Sur niadtong una nang mga pagtay-og nga mi-igo sa ilahang lugar niadtong milabay nga bulan ug ilahang sutaon kung mamahimo paba silang subling maka-deklara ug state of calamity aron nga matabang sa mga apektadong pamilya.(Dave Silagan)
